Hodah hi zuamnak ahhin aa tel kho?
- Tel ve ding ahcun, a tanglei herh mi thil hna hi na tlinh dih an hau:
- Apnak Phih Ni hlan ah na tuah mi cu na lim a hau.
- Apnak Phih Ni ri ah aa zuam ding mi paoh kum hleiriat (18) cung a tlin a hau.
- Aa zuam mi minung cu Victoria chungah a um mi si lai i Victoria miphun cawh mibu he pehtlaihnak a ngei mi a si lai – ti duh mi cu aa zuam ding minung i a nulepa pakhat khat paoh kha Australia ah siloin ramdang ah a chuak mi an si a hau.
- Na Tuah mi cu kan i hmaithlak mi Tlangtar he aa rup mi a si a hau.
- Na Tuah mi ah zoh dawh lo le aa hoihheih lomi, thil le hmanthlak pawl telh hrimhrim lo ding.
- Na Tuah mi cu hmanthlak ṭamh mawihnak le remhnak pawl zong in hman in thlennawn khawh a si.
- Zuamnak Luhnak Caah A Herh Mi cu tlinh a si cang (zaangfah tein Zulh Phungphai hi zoh)
Zeitik ahdah zuamnak cu phih a si lai?
Luh man a um lo i phih caan cu 11:59 pm Zarhpini 2022 April 17 ah a si lai. Aa tel mi paoh cu an ap mi phi chuak kong ah 2022 May thla chungah chawnh an si lai.
Zuamnak ap awk ah zeibantuk phun dah hman khawh an si?
Ni Pi Sunglawi le Nunphung Conglawmhnak
Miphun cawh mibu nih Victoria chung i conglawmh mi ni sunglawi hmanthlak pawl
Muihmai
Miphun cawh mibu kip hna i kan muihmai hmanthlak pawl le, cu hmanthlak hna hnu i a ummi biapi sullam.
Nitin Nunnak
Coronavirus (COVID-19) zawtrai harsatnak lio ah nifatin kan hmuhton thil le cu sin in thazaang le bawmhnak kan hmuh khawh ning he aa pehtlai mi.
Lungṭhawnnak
Kan miphun cawh mibu hna nih harsat fahnak kan intuar lio i kan lungṭhawnnak cu conglawmh a si lai.
Zeibantuk laksawng dah an um?
Laksawng le bawmhnak pawl cu pek an si lai i phun hleihnih caah ṭhen in a zapi tein tangka $9,000 man hi an si lai, cu ah aa tel mi cu:
- Tangka laksawng
- Hmanthlaknak thilri laksawng
- Minthang hmanthlatu sinah cawnnak laksawng
- Catlap chuah piak silole angki in nam piakmi laksawn; cun/asiloah
- Teinak na hmuhnak i hmanthlak cu zatlang lam le hmun ah ngan piin tar piak
Ho nih dah teitu a thim lai?
Victoria miphun cawh mibu i hruainak i hruaitu hna le hmanthlak le muicawl lei i thiamnak sang a ngei mi hna minung cu biaceihtu dingah thim an si hna.
Zeitin dah ka hmanthlak cu hman a si lai? A ngeitu sinak ka ngei rih ko lai lo maw?
Pakhatnak silole pahnihnak laksawng a ngahmi hmanthlak a si ahcun, Victorian Multicultural Commission (VMC) nih a tuahtu minung kha a tuah mi hmanthlak pawl cu hi hnu hmailei ah zapi nih hman khawh le khawh lo ding kongah hnatlaknak ngeih ding in a hal lai.
A tuahtu nih a biakhiahnak cu zeitik paoh ah aa let ṭhan khawh. A tuahtu nih an ap mi hmanthlak pawl cungah ngeitu sinak nawl an ngei ṭhiam ko lai.
Hmanthlak hman piak tikah, a tuahtu min theihpinak le a tuahtu nawl loin a tuah mi thil thlennawnnak um lo ding in Victorian Multicultural Commission (VMC) nih a si khawh chung in an i zuam lai.
Zaangfahnak tein hi zuamnak Zulh Phungphai cu tam deuh in zoh chap.
Zeitin ka luh lai?
I telnak ding ahcun zeipoah te hi Mirang ca in ap a si lai i FilmFreeway hman a si lai, cun telh ding mi hna cu:
- Hmanthlak jpeg/png in thlak mi
- Tlangtar, tuah kum, cun le zei phun hman in dah naa zuam
- A tuahtu kongkau tawi (100 biafang)
- A tuahtu nih a tuah mi hmanthlak nih a chim mi hnulei tuanbia chimrelnak (200 biafang)
Biahal duh ah hodah ka chawnh khawh?
Zuamnak kong he pehtlai in biahal ding paoh silole holhlet/calet piak ding bawmh hal duh ahcun email cu vmcphotography@thiknk-hq.com.au ah kuat ding a si lai.
Updated